Новости

 Чурапчы улууһун баһылыгын ороһуоспатааҕы баала

Сылын аайы ыытыллар улууспут Аҕа баһылыгын А.Т. Ноговицын оскуола оҕолоругар Ороһуоспатааҕы баала үтүө үгэскэ кубулуйда. Быйылгы баалга биһиги оскуолабытыттан 20 чулуулартан чулуу үөрэнээччилэр талыллан кыттыыны ыллылар.

Тохсунньу 17 күнүгэр “Айылгы” КК сарсыарда 10 чаастан саҥа дьыллааҕы эриэккэс эйгэ арылынна. Ол курдук, “Үөрүү” оҕо сайдар киинин иитиллээччилэрэ – “Ча-ча-ча”үҥкүүнэн, Дьокуускай куораттан “Империя праздника” тэрилтэттэн- мыльнай шоунан, сэдэх маскарадтаах дьон-сэргэ эҕэрдэлии көрүстүлэр. Сонно –тута, мүччүргэннээх сырыылаах “Космо-квест” оонньуу ыытылынна. Манна оҕолор станциянан көһө сылдьан күчүмэҕэйдэри туораатылар.

Чурапчы улууһун баһылыга А.Т. Ноговицын үөрэхтэригэр туйгун, спортка чулуу, общественнай олоххо көхтөөх оҕолорго эҕэрдэ тыл эттэ, баҕа санаатын тиэртэ. Улууспут Туйгун үөрэхтээхтэрин быыстарыгар биһиги выпускникпыт, 11 кылаас үөрэнээччитэ  Трофимов Алешаҕа  эмиэ  анал аат инэриллиннэ.

Түмүгэр, тэрээһин саамай күүтүүлээх ыалдьыттара, Тымныы оҕонньор, Хаарчааналыын эҕэрдэлээтилэр,бэлэхтэрин туттардылар!